السلام عليكم ورحمة الله وبركاته
ادري ان هالموضوع محد بيمر عليه بس يالله نكتب وش ورانا
طبعا فيه شي حلو ولصالح مكتبكم ان الكل يمدحه >> اقصد بالنسبه لطالبات سكن الاحساء
بس لمن تكون سمعة المكتب طيبه لازم تكون المعامله او الاهتمام كتعبير اصح افضل
صحيح من قال عمر الكامل ما يكمل >> والكمال لله
عندكم بالسكن الحمامات يكرمكم الله بيباتها منتهيه كلش
يعني المويا تنزل قطره قطره ماكو صيانه ابد والواحد مايحس حاله متطهر زي الناس
والسيفون ما يهد ابد ابي اعرف يكرمكم الله دخلوا الحمام اشلون يهدون سيفون والسيفونات خربانه
لازم تكون فيه صيانه بين فتره وفتره وهالشي لكم مو لنا
كمان الشقه كحد ادنى فيها 8 طالبات الى 9
بالله ثلاجه صغيره ماتكفي لشخصين كيف تكفي لـ 8 طالبات
اما انكم تغيروا الثلاجات وتخلوها اكبر او تشترون فريزر لكل شقه
وايضا يطلعوا بناتنا بدون مشرفات وين تصير - عندهم طالبه تشرف عليهم ومش بكل طلعاتهم
الطلعه الوحيده اللي تشرف عليهم فيها هي العثيم اما طلعات السوبر ماركت ماكو متابعه
يعني يمشي الباص بدون مايتأكد ان كل البنات موجودات
وبناتنا في ذمتكم امام الله
اتمنى النظر في هذا الموضوع
